Қазақтың жүзге бөлініп әрқайсысы өз алдына мемлекет болып кетеді деген әңгімелердің барлығын мен сандырақ дейтін едім. Орысша айтқанда, «бред сивой кобылы».
Автор: Сағат ЖҮСІП
Бірақ мұндай сөз қайдан және неліктен шығып отыр? Менің ойымша, Қазақстандағы ұлт патриоттарының күшеюіне байланысты әдейі жасалып жатқан сияқты. Ресей жағынан белгілі бір күштер осыған ашықтан ашық барлық күштерін жұмсап жатыр. Бұл әрекеттер халықтың арасына жік тастау деп білемін, қазақта ондай еш уақытта болған емес, болмайды да.
Бізде қазақтар жәй айтады әзілдеп, «сендер, кіші жүздер мынадайсындар, ал сендер,мынадайсындар» деп, ол күнделікті айтатын сөзі. Ал жеме жемге келгенде, қазақ еш уақытта бөлінбейді, бұл мен үшін анық нәрсе.
Рас, Қазақстанды мұнай асырап отыр, ал мұнайдың бәрі батыс өнірлерінде, «Казмунайгаз» жұмысшыларының жалақысы сол мұнайлы бірнеше облыс бюджетінен асып түседі екен, бірақ осыған бола қазақ елінен бөлініп кетеді екен деу сандырақ.
Күннен күнге тілге байланысты, басқаға байланысты мәселелер шығып жатыр, мысалы Ресейден тіл мәселелерi бойынша алшақтап бара жатқанымыз ұнамайды кейбіреулерге, ал бұл енді заңды және тарихи құбылыс. Сондықтан, сепаратизмге байланысты сөздің бәрін мен ішкі және сыртқы жаулардың ісі дер едім. Біз жас халықпыз, өсу өрлеу үстіндеміз, өзімізді өзіміз танып жатырмыз қателесуіміз мүмкін. Бірақ біз қалыптасып, бір-бірімізбен ұйымдасып, білісіп келе жатқан халықпыз. Сондықтан, қазақ ешқашан бөлінбейді деп сенем.
ОТ РЕДАКЦИИ: Бредом сивой кобылы называет Сагат Жусип опасения некоторых экспертов об усилении сепаратных настроений на западе Казахстана. Признавая существующие социальные проблемы в нефтяных регионах, как житель Кызылординской области и общественный деятель, он убежден, что “казахи только на словах делятся между собой на жузы”.
Оригинал статьи:
